Union Sh.P.K. bën të ditur se pas njoftimit të prodhuesit për shqetësimet e ngritura nga autoritetet kompetente në Republikën e Kroacisë, në lidhje me një seri të caktuar të produktit Aptamil AR 1, 400 g (data e skadimit: 17 maj 2026, LOT: 111444865), janë realizuan menjëherë analiza dhe testime shtesë sistematike, ku rezultatet e këtyre testimeve konfirmuan se produktet e kësaj serie janë të sigurta dhe plotësisht në përputhje me të gjitha kërkesat rregullatore të Bashkimit Evropian.
Megiithatë, kompania bën të ditur se si masë parandaluese dhe si masë e sigurisë së shtuar në bashkëpunim me Inspektoriatin e Agjencisë së Ushqimit dhe Veterinarisë ka marrë masa të largojmë produktin nga tregu.
Komunikata e “Union” Sh.P.K.:
Lidhur me informacionet për produktin Aptamil AR 1 me lot numër 11 1444865 me datë të skadimit 17.05.2026.
Për të informuar drejt opinionin publik dhe për të shmangur çdo keqkuptim, dëshirojmë të sqarojmë se formula për foshnje Aptamil AR 1 është e sigurt për përdorim.
Shëndeti dhe siguria e foshnjave përbëjnë prioritetin tonë absolut dhe të pakompromis.
Të gjitha formulat për foshnje të markës Aptamil prodhohen në përputhje me standardet më të larta evropiane të sigurisë dhe cilësisë ushqimore, si dhe i nënshtrohen kontrolleve dhe testimeve rigoroze në çdo fazë të procesit të prodhimit, përpara se të dalin në treg.
Pas njoftimit të prodhuesit për shqetësimet e ngritura nga autoritetet kompetente në Republikën e Kroacisë, në lidhje me një seri të caktuar të produktit Aptamil AR 1, 400 g (data e skadimit: 17 maj 2026, LOT: 111444865), u realizuan menjëherë analiza dhe testime shtesë sistematike. Rezultatet e këtyre testimeve konfirmuan se produktet e kësaj serie janë të sigurta dhe plotësisht në përputhje me të gjitha kërkesat rregullatore të Bashkimit Evropian.
Megiithatë, si masë parandaluese dhe si masë e sigurisë së shtuar në bashkëpunim me Inspektoriatin e Agjencisë së Ushqimit dhe Veterinarisë kemi marrë masa të largojmë produktin nga tregu.
Ne mbetemi tërësisht të përkushtuar për të bashkëpunuar ngushtë me autoritetet kompetente për të sqaruar plotësisht këtë rast dhe për të siguruar transparencë të plotë ndaj publikut, si dhe për të ruajtur besimin e prindërve në produktet tona, të cilat janë të sigurta dhe me cilësi të lartë.
U bëjmë thirrje mediave dhe publikut që të informohen vetëm përmes burimeve zyrtare dhe të verifikuara, për të shmangur keqinformimin dhe shqetësimin e panevojshëm të prindërve dhe konsumatorëve.
