Ndërtimet ilegale janë problem që e kanë karakterizuar Kosovën që nga paslufta, e po vazhdojnë edhe tani.
Lexues të Veriu.info kanë raportuar për një objekt që ka nisur të ndërtohet pa leje komunale në lagjjen Bair të Mitrovicës.
Foto: Objekti i nisur pa leje nga kompania “Xani”
Veriu.info ka kontaktuar me përfaqësuesin e “Xani Invest Group”, Hysni Cani, për ta pyetur se a kanë leje ndërtimore, ku ai ka thënë: “Kemi aplikuar për leje në Komunën e Mitrovicës, po presim pergjigjen, njëherë nuk ka punime duke u zhvilluar”.
Për të vërtetuar se a ka leje kompania “Xani” për ndërtimin e këtij objekti në Bair, Veriu.info ka kontaktuar edhe me Drejtorinë e Drejtorisë së Urbanizmit të Komunës së Mitrovicës, Edison Tërnava, i cili e ka thënë se për objektin në fjalë nuk ka leje e as kërkesë për leje, duke demantuar kompaninë “Xani” në deklarimin e tyre se kanë bërë kërkesë për leje.
“Sa i përket pyetjeve dhe fotografisë në terren, ne si drejtori ende nuk kemi pranu ndonjë kërkesë për leje në atë zonë dhe në bazë të ligjit për ndërtim dhe udhëzimeve administrative në fuqi, nuk lejohen punime në terren pa leje ndërtimore. Në raste të tilla pala obligohet që të adresoj kërkesën për shqyrtim për kushte dhe leje ndertimore“, ka thënë drejtori Tërnava për Veriu.info.
Veriu.info ka dërguar prapë pyetje në numrin kontaktues të Hysni Xani, për ta ballafaquar me mohimin e Komunës në pretendimin e tij se ka bërë kërkesë për leje, por ai nuk ka kthyer përgjigje deri në momentin e publikimit të këtij artikulli.
Burime të Veriu.info bëjnë të ditur se kompania “Xani” është në përpjekje për të marrë leje për një objekt që gjendet rreth 150 metra tutje objektit për të cilin e ka pyetur Veriu.info, por jo edhe në objektin që është duke e ndërtuar, sepse aty vite më parë është marrë leje për ndërtime banesore dhe tash objekti i ri po tentohet ilegalisht t’i bashkohet objektit të vjetër.
Objekti ky po synohet marrja e leje nga kompania “Xani”, arsyetim që u përdorë nga Hysni Xani për ta ‘mbulur’ objektin tjetër të nisur pa leje.
