Komuna e Gjakovës ka shpërblyer me tender kompaninë që ka ofertuar me çmimin më të lartë për renovimin e stadiumit të qytetit, ku përfshihet edhe konstruksioni i mbulesës dhe ndriçimi i fushës së lojës, raporton Front Online.
Sipas njoftimit zyrtar të publikuar nga Zyra e Prokurimit të Komunës, me tender është shpërblyer Grupit të Operatorëve Ekonomik “UNICRON SH.P.K. & Astralpan SH.P.K.”, me një ofertë prej 3,424,264.67 €.
Mirëpo, në garë ka qenë edhe Grupi i Operatorëve Ekonomik “Roza Komani B.I. & PE-VLAKU SH.P.K.”, me një ofertë dukshëm më të lirë – 3,249,863.54 €.
Pra, Komuna ka zgjedhur të paguajë rreth 175 mijë euro më shumë, duke shpërblyer ofertën më të shtrenjtë, ndonëse praktika e prokurimit publik kërkon që fituese të shpallet oferta më e leverdishme ekonomike, raporton Front Online.
