Komuna e Vushtrrisë kishte shpallur tender me titull “Hartimi i Planit Zhvillimor Komunal (PZhK)” në muajin mars, ku afati i fundit për dorëzimin e ofertave ishte data 15 prill 2024, raporton Veriu.info.
Në këtë tender kanë aplikuar tri kompani “Instituti i Shkencës dhe i Teknologiisë INSI SH.P.K.”, Grup i Operatorëve Ekonomik “GIS Data Project Sh.P.K.; Viante Konstruksion” dhe grupi i operatorëve ekonomik “Plan-A Consulting Sh.P.K.; ProArchitecture Sh.P.K.; Kolegji Ndërkombëtar për Biznes dhe Teknologji – UBT”.
Veriu.info ka hulumtimit të kësaj dosje të tenderit, ka gjetur se komuna e Vushtrrisë e ka shpallur fitues kompaninë me çmimin më të lartë, përderisa që të dy kompanitë tjera kanë ofertuar me çmim më të lire.
Operatori Ekonomik i shpallur fitues është INSI SH.P.K., kompani e cila ka ofertuar me 99 mijë e 800 euro, apo vetëm 200 euro nën çmimin e parashikuar.
Oferta më e lirë në këtë tender ishte e grupit të operatorëve ekonomik “Plan-A Consulting Sh.P.K.; ProArchitecture Sh.P.K.; Kolegji Ndërkombëtar për Biznes dhe Teknologji – UBT”, të cilët kanë ofertuar me 77 mijë e 586 euro.
Ndërkaq, Grup i Operatorëve Ekonomik “GIS Data Project Sh.P.K.; Viante Konstruksion”, kishte ofertuar me 90 mijë euro.
Ndryshe, vlera e parashnikuar ke kësaj kontrate nga komuna e Vushtrrisë, sipas tenderit të shpallur, është 100 mijë euro. Zakonisht operatorët ekonomik mundohen të ofertojnë me çmime sa më të lira, përderisa në këtë rast fituesi i këtij tenderi ka shkuar gati në maksimum të ofertimit. Se si e ka pasur një siguri të tillë të ofertimit me çmim vetëm 200 euro më të ulët se sa vlera e parashikuar, kjo nuk dihet./Veriu.info
