Një konflikt i paprecedentë ka ndodhur sot në rrugën “Hasan Prishtina” Mitrovicë, ku dy persona janë shoqëruar në polici.
Veriu.info mëson se një pronar i një kompanie ndërtimi (V.M.) ka kërkuar nga qytetari V.R. ta liroj pronën, me arsyetim se ia ka uzurpuar.
Pas këtij konflikti mes tyre në vendngjarje ka arritur edhe policia, ku palët i ka shoqëruar në stacion policor.
Këtë për Veriu.info e ka konfirmuar edhe policia,
“Ju njoftojmë se sot rreth orës 17:00, pas një mosmarrëveshje rreth një kontesti pronësor në rrugën ,,Hasan Prishtina”, palët janë shoqëruar në stacionin policor. Pas intervistimit të palëve, është njoftuar prokurori dhe me udhëzim të tij është inicuar rasti -Vetëgjyqësi. Hetimet për këtë rast vazhdojnë në procedurë të rregullt”, thuhet në përgjigjen e zyres për informim të policisë për Veriu.info.
