Ministri i Punëve të Jashtme dhe Diasporës, Glauk Konjufca, ka zhvilluar vizitën e tij të parë zyrtare jashtë vendit, ku mori pjesë në Konferencën e Sigurisë në Mynih, forumin më të rëndësishëm global për çështjet e sigurisë.
Nëpërmes një postimi në Facebook, Konjufca ka theksuar se pjesëmarrja e delegacionit shtetëror të Kosovës në këtë konferencë po ndodh në një moment kur rendi botëror po riformësohet.
“Forcimi i Kosovës si pjesë e Aleancës Perëndimore, sikurse edhe i çdo aleati veç e veç, do ta bëj aleancën veri-atlantike më të fuqishme kundrejt sfidave në këtë shekull të riformësimit gjeopolitik”, ka shkruar Konjufca.
Postim i https://www.facebook.com/share/1Buiu15ErS/?mibextid=wwXIfr
