Përfaqësuesja e Kosovësdhe ajo e Armenisë do të mbajnë sot stërvitjen e parë në prag të ndeshjes së nesërme.
Kosova do të përballet ndaj Armenisë nesër (16 nëntor) dhe kundër Ishujve Faroe më 19 nëntor.
Përzgjedhësi Alain Giresse ka publikuar listën e të ftuarve javën që lamë pas.
Për këto dy ndeshje miqësore, Giresse është përqendruar kryesisht në emra të rinj, ku nuk mungojnë emrat e lojtarëve nga Superliga e Kosovës.
Giresse do ta mbajë një konferencë për shtyp prej orës 16:00 në stadiumin “Fadil Vokrri”, ndërsa prej orës 16:30 “Dardanët” do të stërvitin në stadiumin e kryeqytetit.
Më pas, Kombëtarja e Armenisë do të mbajë konferencë prej orës 17:30, ndërsa stërvitjen do ta mbajë nga ora 18:00, po ashtu në “Fadil Vokrri”.
E gjatë ditës, Kombëtarja e Kosovës do të bëjë vetëm rigjenerim në hotel.
Ndeshja ndërmjet Kosovës dhe Armenisë do të luhet nesër mbrëma duke filluar nga ora 18:00./FrontOnline/
