Komisioni Qendror i Zgjedhjeve (KQZ) ka mbajtur të martën mbledhjen e radhës, në të cilën janë marrë disa vendime që lidhen me procesin zgjedhor dhe menaxhimin e pas-zgjedhjeve.
Në një komunikatë për media, KQZ njoftoi se ka miratuar pagesën për rreth 130 persona të angazhuar si staf në Qendrat e Votimit në përfaqësitë diplomatike të Kosovës, si dhe për stafin që ka qenë i angazhuar në tërheqjen e dërgesave postare.
Ndërkohë, është marrë edhe vendim për shkatërrimin e materialit zgjedhor nga zgjedhjet e mbajtura më 9 shkurt të këtij viti. Materialet që nuk janë pjesë e ndonjë hetimi do t’i nënshtrohen procesit të shkatërrimit.
“Po ashtu, KQZ mori vendim për shkatërrimin e materialit zgjedhor nga zgjedhjet për Kuvendin e Kosovës, të cilat janë mbajtur më 9 shkurt 2025. Sipas vendimit të KQZ-së, në mesin e materialeve që do t’i nënshtrohen shkatërrimit janë fletëvotimet, listat e votuesve, formularët e rezultateve të subjekteve dhe të kandidatëve, e të tjera. Materialet që janë pjesë e hetimit nga organet ligjzbatuese do të ruhen deri në përfundim të procedurave përkatëse”, thuhet në komunikatë.
Njoftimi i plotë:
