Deputeti i ri i partisë Guxo, Nezir Kraki tha se mund të ketë deputetë të Lidhjes Demokratike të Kosovës që mund të lëvizin në Lëvizjen Vetëvendosje, i pyetur nëse kryeministri në detyrë Albin Kurti do të përpiqet të marrë deputetë nga partitë opozitare.
Kraki, në një deklarim për Zonë e Lirë në MCN TV të martën, tha se mund të ketë individë të cilët nuk janë të kënaqur me qasjen e kryetarit të LDK-së, Lumir Abdixhiku.
“Mund të ketë individë të cilët mund të mos pajtohen me qasjen që e ka sot LDK-ja, për shembull. LDK-ja, e cila është centralizu rreth kryetarit të saj, i cili ka qëndrim që mund të mos i përshtatet shumë deputetëve”, tha ai.
Sipas Krakit, nuk do të ketë “blerje klasike” të deputetëve.
“Mund të ketë njerëz që dalin, rreshtohen këndej apo dikund tjetër por kështu blerje klasike siç ka ndodhë viteve më herët në Shqipëri, nuk ka pasur në Kosovë”, tha Kraki.
