Gazetari, Vullnet Krasniqi, ka pohuar se pret që nga zgjedhjet e ardhshme Lidhja Demokratike e Kosovës të dalë e dyta.
“Nëse Ramiz Lladrovci i bashkohet PDK-së me listën e tij të Drenasit për zgjedhjet nacionale të ardhshme, unë mendoj se do të bëjë ulje të votave për PDK-në. Atëherë, kjo di t’i japë mundësinë LDK-së të dalë e dyta pas LVV-së”, ka thënë Krasniqi.
Analisti politik Engelbert Zefaj ka theksuar se anëtarët e Lëvizjes Vetëvendosje me deklarimet e tyre kanë bërë një lloj fushate para mbajtjes së zgjedhjeve të jashtëzakonshme.
“Këta vetëm kanë filluar të krijojnë atë narrativën e fushatës elektorale, po dëshirojnë që të krijojnë atë kauzën se ne jemi ata që e mbrojmë Republikën e Kosovës, duke aluduar me Mitrovicën e Veriut, kurse krejt këta të tjerët janë mbështetës të Listës Serbe”, ka thënë Zefaj./Klan Kosova/
