Kryeministri serb Gjuro Macut është përballur sot me një gazetare që ka kërkuar përgjigje prej tij se ku i ka marrë paratë për ta blerë një vilë që kushtoi një milion euro e të cilën e kishte blerë një ditë para se të bëhej kryeministër.
“Ku i ka marrë paratë për të blerë një vilë në Zvezdara me vlerë më shumë se një milion euro”, si dhe “si e ka blerë këtë pronë vetëm një ditë para se të bëhej kryeministër i Serbisë” – ishin pyetjet e gazetares së KRIK-ut.
Në konferencën e sotme në Kuvendin e qytetit të Beogradit, Macut nuk ka dashur t’u përgjigjet pyetjeve.
KRIK-u më herët ka raportuar se Macut ka blerë një vilë prej gati 200 metrash katrorë në Zvezdara me vlerë më shumë se një milion euro vetëm një ditë para se të emërohej në atë post.
