Kryetari i Komunës së Leposaviqit, Lulzim Hetemi sot ka vizituar policët e lënduar si pasojë e aksidentit që ndodhi në Grabovc të Zveçanit, të cilët po trajtohen në Qendrën Klinike Univeristare të Kosovës, shkruan Mitropol.
Kryetari Hetemi iu uroi shërim të shpejtë dhe të plotë, duke shprehur mirënjohjen e thellë për kontributin e shquar të këtyre policëve në ruajtjen e qetësisë dhe rendit publik, si dhe angazhimin e tyre të palodhur për sigurinë e qytetarëve.
“Policët tanë janë heroikë në detyrën e tyre, dhe në çdo moment të vështirë janë në shërbim të komunitetit. Ky aksident është një ngjarje e hidhur, por jam i sigurt që ata do të rikuperohen plotësisht dhe do të vazhdojnë të mbrojnë qytetarët tanë me të njëjtin përkushtim. Uroj shërim të shpejtë dhe të plotë për gjithë të lënduarit” tha kryetari Hetemi.
