Gazetari Besnik Batusha ka kujtuar rolin e dy figurave të rëndësishme të UÇK-së, njëri nga Gllogjani dhe tjetri nga Broja, të cilët, sipas tij, kishin mbajtur kontakte të hershme me diplomacinë amerikane që nga viti 1998.
Sipas Batushës, përfaqësuesi nga Drenica kishte biseduar pothuajse çdo mëngjes gjatë bombardimeve të NATO-s me njërin ndër diplomatët më të fuqishëm të botës, ndërsa ai nga Deçani kishte pasur kontakte të drejtpërdrejta me CIA-n.
Ai thekson se, megjithëse shumëkush e kishte ditur këtë rol, tani deklarata e James Rubin e ka rikonfirmuar edhe publikisht se kush ishin dy figurat kryesore të UÇK-së.
“Kur bashkohen pushka dhe diplomacia, liria dhe pavarësia nuk mund të ndalen,” ka përfunduar gazetari Batusha.
