Kryeministri në detyrë, Albin Kurti i ka dhënë mbështetjen e tij kandidatit të Lëvizjes Vetëvendosje për komunën e Fushë Kosovës, Valon Prebreza, shkruan Gazeta Online Veriu.info.
Në një postim në facebook, Kurti e ka vlerësuar Prebrezën si “menaxher të aftë, kompetent dhe me integritet personal e profesional”.
“Me Valon Prebrezën njihemi e kemi bashkëpunuar gjatë, si në Lëvizje ashtu edhe në qeverisje”, shkruan Kurti, duke shtuar se rritja e shpejtë e popullsisë në Fushë Kosovë kërkon investime të mëdha në infrastrukturë dhe shërbime publike. “Këtë hendek ndërmjet rritjes së madhe të popullsisë dhe ngecjes në infrastrukturë do ta urëzojmë me investime të përbashkëta”, premton ai.
Kujtojmë se Prebeza njëkohësisht drejtor për Mbikëqyrjen e Ndërmarrjeve Publike, po etiketohet si person që ka kryer punësime të shumta familjare e fisnore në ndërmarrje publike si Ujësjellësi dhe KEK./Veriu.info
