Kryetari i VV-së, Albin Kurti, e ka kritikuar kryetarin e LDK-së, Lumir Abdixhiku, i cili e ka refuzuar letrën për koalicion qeverisës me VV-ë.
Para Këshillit të Përgjithshëm të VV-së, Kurti ka ironizuar me refuzimin e LDK-së.
“Për ta ndihmuar daljen nga kjo bllokadë siç e dini i ftova kryetarët e partive PDK-së e LDK-së, por ky i dyti refuzoi të vijë, ndonëse disa deputetë të LDK-së thanë se duhet të ketë marrëveshje politike. Për këtë e shkrova edhe një letër tjetër për koalicion LVV-LDK, por edhe ajo u refuzua ashpër. LDK më 2020 bëri koalicion me ne, tash pas reformave do të duhej ta kishte më të lehtë”, ka thënë ai, duke e kritikuar veprimin e LDK-së.
“Ndoshta rruga e re ka preferenca tjera. Ne duam qeveri normale jo të përkohshme e as të tranzicionit e as të opozitës. Dorën në zemër ky togfjalëshi është paradoksal, sepse opozita është opozitë se duhet të jete opozitë e qeverisë”, ka thënë Kurti.
