Kryeministri me përgjegjësi të kufizuara, Albin Kurti në Akademinë Përkujtimore për Epopenë e UÇK-së, që po mbahet në Prishtinë, theksoi nevojën për investim në siguri, sidomos pas luftës që po zhvillohet në Ukrainë. Kurti ka theksuar se për siguri do të investohet edhe më tutje, duke lloagritur edhe në ShBA-të, tek sa ka thënë se Kosova gjatë katër viteve që shkuan i është përmbajtur planit të NATO-s, për investim në Ushtri.
“Horizonti i së ardhmës po errësohet nga retë e zeza nga lufta që po ndodh në Ukrainë. Në katër vitet e kaluara në e kemi përmbushur kuotën e Nato-s për investim në ushtri. Përpjekja jonë për sigurinë dhe paqe do të vazhdoj me investim në siguri, duke llogaritur në aleancën me ShBA-në, BE-në, Turqinë e Kanadanë. Kosova mbetet e përkushtuar jo vetëm për të përfituar por edhe për të ndihmuar për paqen në Evropë. Kosova nuk është ajo që veç konsumon nga siguria në europë, por që edhe kontribuon për këtë siguri. Kosoa mëton të anëtarësohet edhe në BE edhe në NATO.
Nderojë të gjithë që me uniformë e pa uniformë kanë kontribuar për lirinë tonë dhe Republikën e Kosovës, Lavdi Kryekomandantit Adem Jashari, Lavdi familjes Jashari!” – ka thënë ndër të tjera ai.
