Kryeministri në detyrë, Albin Kurti, gjatë një vizite në Zveçan, theksoi rëndësinë e pranisë së institucioneve publike në komunat veriore të vendit
Ai vizitoi njërën nga 13 zyrat e Postës së Kosovës që vepron në veri, përfshirë atë në Zveçan që u rindërtua brenda dy ditësh pas një sulmi me granatë dore në fillim të prillit.
Kurti vlerësoi bashkëpunimin ndërkomunitar në këto zyra dhe theksoi se ndërmarrjet publike duhet të jenë të pranishme për të gjithë qytetarët.
Ai shtoi se Posta e Kosovës ka kaluar nga humbje të mëdha në të kaluarën, në fitim për herë të parë në vitin 2024 – me 259 mijë euro.
