Kryeministri Albin Kurti i ka quajtur “hajvanë” liderët e partive opozitare, gjatë tubimit të Lëvizjes Vetëvendosje në sheshin “Skënderbeu” në Prishtinë.
Sipas Kurtit, fushata e këtyre zgjedhjeve ka qenë një “luftë” për shkak se sipas tij ka pasur luftë hibride nga të gjitha anët.
Kreu i LVV-së nuk ka hezituar që t’i ofendojë krerët e partive opozitare, duke i quajtur të njëjtit si “hajvanë”.
“Kurrë nuk është bërë në Kosovë më shumë luftë ndaj një qeverie se kësaj tonë. Luftë hibride. Oligarkë që kërcënojnë punëtorë e jepnin para për fushatë. Opozitarë që bëjnë parti edhe me dreqin kundër qeverisë sonë edhe prapë se prapë kanë humb. Kanë me mbet në opozitë sepse nuk ia dojnë të mirë as shtetit as popullit. Jepnin premtime për koeficient më shumë se në programin e tyre. Çfarë hajvanësh. Por, ka kaluar koha e hajvanait. E kanë marrë sonte vesh. Ata e kanë mashtruar vetëm veten e tyre”, ka thënë Kurti.
