Kryeministri në detyrë i Kosovës, Albin Kurti ka pritur sot në takim ambasadorin William Walker, ish-shefin e Misionit Verifikues të OSBE-së, i cili ishte i shoqëruar edhe nga bashkëshortja e tij.
Gjatë takimit miqësor u diskutuan zhvillimet e fundit në vend, rezultatet e zgjedhjeve, si dhe puna dhe sfidat e institucioneve të Kosovës dhe rajonit.
“Faleminderit për rolin tuaj historik për popullin tonë dhe për angazhimin e vazhdueshëm në mbështetje të së vërtetës dhe drejtësisë,” tha Kurti në takim.
