Fshati social është ndërtuar në Gjilan nga shteti i Kuvajtit para disa vitesh. Projekti në vlerë prej mbi 2.5 milionë euro ka përfunduar në vitin 2018.
Në këtë qendër është gjithçka e gatshme për shfrytëzim, konviktet, shkolla, ambulanta, kuzhina, çerdhja dhe hapësirat tjera për fëmijët me nevoja të veçanta, gratë e prekura nga dhuna në familje e të moshuarit.
Qeverisja komunale e Alban Hysenit e ka bllokuar këtë projekt dhe nuk e ka funksionalizuar për katër vite. Për më keq KEDS e ka ndërprerë edhe energjinë elektrike, e kanë ndal edhe furnizimin me ujë. Kjo qendër tani nuk ka fare mirëmbajtje. Aty qëndron vetëm roja 24 orë.
Kuvendi Komunal dy vite radhazi ka propozuar dhe votuar buxhetin për funksionalizimin e kësaj qendre, mirëpo kryetari i komunës nuk e ka zbatuar vendimin e Kuvendit.
Për pesë vite kjo qendër vazhdon të jetë e mbyllur, amoritizimi dhe mosmirëmbajtja ka filluar të degradojë këto objekte, inventarin dhe donacionet e dhuruara për këto kategori që kanë më së shumti nevojë.
