Zyra e Rregullatorit të Energjisë të mërkurën ka miratuar shtrenjtimin e rrymës për 16.1 për qind, më shumë se 1 për qind sesa kishte propozuar fillimisht.
Me këtë vendim të ZRrE-së janë shtrenjtuar katër tarifat e energjisë elektrike për konsumatorët në Kosovë.
9.05 centë do të kushtojë një kilovat energji për ata që shpenzojnë më pak se blloktarifa prej 800 kilovatësh në muaj. Deri më tani çmimi ka qenë 7.79 centë.
Ndërkaq, tarifa e natës për të njëjtën kategori, është shtrenjtuar nga 3.34 centë në 3.88 centë.
Për energjinë elektrike të shpenzuar mbi blloktarifën prej 800 kilovatësh, çmimi për ditën ka shkuar nga 13.29 centë në 15.43 centë, ndërkaq, çmimi për natën do të jetë 7.28 centë nga 6.27 centë sa ishte deri më tani.
Këto tarifa do të hyjnë në fuqi nga data 1 maj.
