Në fshatin Balaj të Ferizajt është vrarë një 40 vjeçar, ku më pas policia ka arrestuar të dyshuarin.
Veriu.info mëson se viktima është Brahim Ramusa.
Zëdhënësi i policisë për rajonin e Ferizajt, Kanun Veseli, tha se policia ka arrestuar të dyshuarin dhe është sekuestruar një armë zjarri.
“Me datën 15.09.2025 rreth orës 19:42 kemi pranuar një informatë se në fshatin Balaj të Ferizajt ka ndodhur një vrasje. Viktimë është një person mashkull, i moshës rreth 40 vjeç. Policia ka arrestuar të dyshuarin dhe ka sekuestruar një armë zjarri. Rasti është duke u hetuar nga njësitë relevante nën udhëheqjen e prokurorit të shtetit.”, ka thënë zëdhënësi i policisë.
