VOX Kosova sor ka raportuar se tre hetuesve që kishin ndjekur Faton Pecin, u ishin punësuar gratë në Ministrinë e Bujqësisë që drejtohej nga ky ministër.
Sipas VOX Kosova, i gjendur në mesin e dyshimeve serioze për afera të rënda korruptive, të cilat kulmuan me intervistimin e tij për disa orë rresht nga prokurorët specialë, Ministrit në detyrë të Bujqësisë, Faton Pecit, iu kujtua një zgjidhje për të dalë nga situata. Ishte ndoshta gjeniale për kokën e tij, por korruptive në përmbajtje.
Tre hetuesve që iu punësuan gratë janë:
1) Pajtim Kllokoqi – bashkëshortja iu punësua në Agjencinë e Pyjeve të Kosovës, e cila funksionon në kuadër të dikasterit që e drejton Peci.
Më Agjencinë e Pyjeve të Kosovës u rehatua edhe Vlora Gashi – Hashani, që është bashkëshortja e Faton Hashanit, një tjetër hetuesi të Policisë që po merrej me aferat e ministrit Peci.
Veriu.info ka siguruar fotografi të Vlora Gashi – Hashani dhe bashkëshortit të saj, Faton Hashani, hetues i krimeve ekonomike, që sipas VOX Kosova, merrej me aferat e ministrit Peci.
Hetimit të rasteve të Faton Pecit ia pa hajrin edhe hetuesi Gojart Zeqiri, gruaja e të cilit, Tringa Leka, u punësua në Agjencinë e Ushqimit dhe Veterinarisë si Inspektore Fitosanitare.
Ndryshe, më 27 maj, Faton Peci ishte paraqitur në cilësinë e të dyshuarit në zyrat e Prokurorisë Speciale në Prishtinë. Aty ai do të përgjigjej për kontratën për dhënien me qira të fabrikës për përpunimin e nënprodukteve shtazore.
Artikulli i plotë:
