Një nga komisionerët e ndaluar nën dyshimin për manipulim me vota është Nderim Bytyçi, i cili është ndaluar për 48 orë nga organet e rendit.
Bytyçi dyshohet se ka pasur rolin e kryesuesit në vendosjen e të dhënave të rezultateve në faqen zyrtare të KQZ-së, për votat ku ekzistojnë dyshime për mospërputhje.
Avokati i tij, Prek Kolaj, në një deklaratë për Insajderin, ka thënë se klienti i tij nuk ka pasur qëllim për manipulim të rezultateve.
“Klienti ka qenë në rolin e kryesuesit që ka pasur për detyrë vendosjen e të dhënave në ueb-faqen e KQZ-së për rezultatet. Ato vota ku dyshohet se nuk ka përputhje mund të kenë rrjedhur si pasojë e lodhjes, presionit për t’u numëruar më shpejt, apo edhe nga ndonjë keqkuptim gjatë komunikimit me anëtarët e tjerë të komisionit. Nuk ka pasur asnjë tendencë të qëllimshme apo ndikim nga dikush tjetër për të manipuluar apo falsifikuar rezultatin. Diçka tjetër nuk ka deklaruar,” ka thënë Kolaj.
