Humanistri Halil Kastrati ka përuruar sot Qendrën Kryesore të Mjekësisë Familjare (QKMF) në Mitrovicë, një projekt i realizuar falë bashkëfinancimit të Komunës së Mitrovicës dhe Shoqatës “Jetimat e Ballkanit”, transmeton Gazeta Online Veriu.info.
“Sot u bë përurimi i Qendrës Kryesore të Mjekësisë Familjare (QKMF) në qytetin e Mitrovicës.
Kjo qendër është më e madhja në rajon, me infrastrukturë moderne dhe standarde të veçanta”, ka shkruar ndër të tjera Kastrati.
Postimi i plotë:
E gëzofshi Mitrovicë!
Me Bismilah e nisëm dhe me Bismilah e inauguruam.
Sot u bë përurimi i Qendrës Kryesore të Mjekësisë Familjare (QKMF) në qytetin e Mitrovicës.
Kjo qendër është më e madhja në rajon, me infrastrukturë moderne dhe standarde të veçanta.
Ky është projekti më i madh deri tani i realizuar nga Shoqata “Jetimat e Ballkanit”.
Ky projekt është realizuar në bashkëfinancim me Komunën e Mitrovicës, e cila kontribuoi me 20% të shumës totale, ndërsa pjesa tjetër u sigurua nga donatorët përmes Shoqatës sonë.
Së bashku me kryetarin e Mitrovicës z. Bedri Hamza dhe shumë mysafirë të nderuar, realizuam prerjen e shiritit për këtë projekt të madh dhe të rëndësishëm.
Të dhënat e projektit:
Sipërfaqja e QKMF-së së re: 8500 m² (bodrumi, kati përdhes dhe 3 kate).
Shërbimet që ofron:
Mjekësia familjare
Stomatologjia
Urgjenca
Laboratori i analizave
Shërbimet e vaksinimit
Shërbimet radiologjike, përfshirë mamografinë
Barnatorja qendrore dhe depoja e barnave
Këshillimore për sëmundjet kronike
Hapësira për edukim shëndetësor
Biblioteka, arkivi, salla për takime dhe trajnime
Hapësira për nxënës, studentë dhe specializantë të mjekësisë
Hapësira për pushim dhe shërbimet administrative
Investimi total: 6,016,161.53 €
(Gjashtë milionë e gjashtëmbëdhjetë mijë e njëqind e gjashtëdhjetë e një euro e pesëdhjetë e tre cent).
Bamirës, Zoti kurrë mos ju humbtë!
