Një shofer auromjeti e ka pësuar rëndë kërcënimin që dyshohet se ia bëri zyrtarit policor të enjten gjatë mbrëmjes në Prishtinë.
Burime të Veriu.info bëjnë të ditur se shoferi ka injoruar urdhërat policor gjatë një kontrolle rutinë, duke dalë nga automjeti përkundër urdhrit për të qendruar në automjet dhe duke lëvizur më pas në mënyrë kërcënuese në drejtim të zyrtarit policor.
Veriu.info ka arritur të siguroj fotografinë e shoferit Ideal Shabanit, të cilit i është gjetur një thikë në automjet.
Siç mëson Veriu.info, goditja e policit Arianit Ferati ndaj shoferit ka pasur qëllim hutues, për të neutralizuar rrezikun që i kanosej. Mirëpo, si pasojë e këtij veprimi, Inspektorati Policor ka rekomanduar suspendimin e policit Arianit Ferati.
Ndryshe, Ideal Shabani deri para pak javësh kishte një lokal të muzikës ‘live’ të quajtur “Amsterdam” në rrugën që dergon për Ferizaj.
