Figura kundërthënëse dhe i vetëshpalluri politikan dhe kryeministër në hije në Shqipëri, Pëllumb Pilinçi ka sulmuar qeverinë në detyrë të Albin Kurtit dhe kryetarin e sapozgjedhur të Kuvendit, Dimal Bashën.
Pilinçi që nuk ka as parti në Shqipëri dhe bredh me vetura luksoze e që tre javë më parë shpalli një qeveri teknike në Shqipëri, duke bërë “ministër” të arsimit një zyrtar të MASHT-it, ka komentuar veshjen e Bashës në një fotografi teksa ka thënë se mban kravatë me ngjyrë të kuqe të bolshevizmit në Rusi.
Ai qeverisjen e Kurtit e ka quajtur të korruptuar dhe për Bashën ka thënë se është njeriu që do ta çojë Kosovën përsëri në zgjedhje.
“Për më shumë se 60 ditë këta nuk e bën parlamentin”, ka thënë Pilinçi.
“Ku gjeti paratë ky zotnia që kushton në vit 100 mijë dollarë, përveç ushqimeve, përveç qerasë, universiteti në Amerikë kushton 100 mijë dollarë”, ka thënë Pilinçi që ka shprehur edhe një herë synimin për bërjen e Shqipërisë së Madhe.
