Ish-deputeti i Kuvendit të Kosovës, Labinot Tahhiri, ka kërkuar nga PDK-ja që kryetari i Ferizajt, Agim Aliu, të propozohet për kryetar të partisë.
Duke e përendur punën e tij si kryetar i Ferizajt, Tahiri ka bërë me dije se Aliu e meriton të jetë kryetar i kësaj partie.
Në profilin e tij në “Facebook”, Tahiri ka shkruar se nëse PDK-ja dëshiron vërtet ndryshimin, duhet të propozohet Aliu për kryetar të partisë.
“Ai ka punu për Ferizajn, më shumë se sa qeveria në nivel shtetëror, edhe pse buxhetin e ka pasë të kufizuar. Ferizaji për një kryetar apo çdo kryetar që do të viej pas Agimit, është i madh sa Kosova për një kryeministër. Me këto fjalë,,i drejtohem PDK-së edhe pse nuk jam antar i kësaj partie e cila ka berë shumë ndryshime në vend. Nëse e duan vërtet ndryshimin dhe rikthimin e besimit të qytetarëve, atëherë le ta propozojnë Agim Aliun për kryetar të partisë. Ai e ka dëshmuar me punë dhe rezultate se mund ta çojë partinë përpara ashtu sikur këtë qytet gjigant , ku në të cilin po vijnë dhe po jetojnë banorë nga qytete e tjera; saktesisht edhe nga Shkupi”, ka shkruar ai.
