Paul Pogba dhe Leonardo Bonucci tashmë janë përfshirë në stërvitjen e sotme, së bashku me shokët e tjerë të skuadrës së Juventusit dhe mund të jenë një opsion për ndeshjen e së shtunës kundër Lazios.
Sipas La Gazzetta dello Sport, nëse trajneri Massimiliano Allegri vendos të kursejë të dy në ndeshjet e fundjavës, atëherë lojtarët mund të garojnë sërish kundër Sportingut, javën e ardhshme, në ndeshjen e parë çerekfinale të Europa League.
Rikthimi i Pogba dhe Bonucci do të thotë se për herë të parë këtë sezon trajneri ka në dispozicion të gjithë lojtarët.
Pogba ka pasur një sezon për të harruar për shkak të dëmtimeve të njëpasnjëshme dhe kishte vetëm 34 minuta, të ndarë në dy ndeshje. Bonucci luajti 21 ndeshje radhazi, por e fundit ishte më 12 mars kundër Sampdorias.
