Kryetari i komunës së Vushtrrisë, Ferit Idrizi, ka përuruar çerdhen në fshatin Shtitaricë të kësaj komune.
Kjo është çerdhja e dytë gjatë këtij mandati.
Idrizi është shprehur i lumtur për një projekt të tillë duke thënë se është hera e parë që po hapen çerdhe në fshatra.
“Shumë i lumtur që në Shtitaricë kemi hapur dyert e çerdhes së re, e dyta që hapet gjatë këtij mandati dhe hera e parë që po hapen çerdhe në fshatra. Një hapësirë moderne ku çdo vogëlush do të ndjehet i sigurt, i lumtur dhe i mbështetur në çdo hap të zhvillimit dhe edukimit të tij.📚” – shkruan Idrizi.
Ai ka falënderuar drejtoreshën e OJQ-së CIPOF, Mevlude Murtezi, dhe Hanemshahe Latifi, kontributi i të cilave ka qenë shumë i rëndësishëm që kjo çerdhe të bëhet realitet.
“Një falënderim i veçantë për drejtoreshën e OJQ-së CIPOF, znj. Mevlude Murtezi, dhe znj. Hanemshahe Latifi, kontributi i të cilave ka qenë shumë i rëndësishëm që kjo çerdhe të bëhet realitet.🤝
E gëzofshin fëmijët e Shtitaricës!” – tha Idrizi ndër të tjera.
