Veriu.info dje ka raportuar se Doni Beshiri nuk është futur në listën e VV-së si kandidat për asamble komunale të Mitrovicës.
Mësohet si ai, megjithatë ka kaluar me vota në Këshillin e Përgjithshëm të Qendrës së VV në Mitrovicë.
Mirëpo, sipas burimeve të Veriu.Info, Kryetarin e lagjjes Ilirida (ish Tavniku) Doni Beshiri e kanë larguar në momentet e fundit nga lista.
Burime të Veriu.info bëjnë të ditur se arsyeja e mos-futjes së Doni Beshirit në listë si kandidat për asambleist ka ardhur nga frika e rritjes së tij si figurë publike dhe ndikimit që gëzon tek votuesit, ku inatet e vjetra nga dis janë rikthyer fuqishëm brenda strukturave kryesore të LVV-së në Mitrovicë.
Veriu.Info mëson se edhe ish-kryetari Agim Bahtiri dhe kryetari aktual i LVV-së në Mitrovicë, Armend Muja, kanë mbështetur kandidaturën e Doni Beshirit. Por, nyja kryesore e mosmarrëveshjeve ka qenë te Faruk Mujka, ish-kryetar i VV-së në Mitrovicë, dhe deputetja Arjeta Fejza, të cilët kanë dërguar apel (ankesë) në KZP (Komisionin Zgjedhur të Përgjithshëm të VV) në Prishtinë kundër kandidaturës së tij.
Çuditërisht, sipas burimeve të Veriu.Info, ky apel nuk është drejtuar kundër Gazmend Mujës apo edhe kandidatëve të tjerë potencial, të njohur për veprime jounifikuese brenda LVV-së.
Ky zhvillim përbën një ‘tërmet’ politik në Mitrovicë, veçanërisht kur dihet se vetëm në lagjen Ilirida jetojnë mbi 22 mijë votues dhe Doni Beshiri gëzon respekt të madh si në lagje, ashtu edhe në gjithë qytetin. Ai njihet si një djalë human dhe i përkushtuar, që nuk e meriton një trajtim të tillë.
Afati përfundimtar i dorëzimit të listave është sonte në mesnatë, ora 00:00. Qëndroni të informuar për zhvillimet e fundit me Veriu.Info!
