Një person është arrestuar sot në Zveçan për armëmbajtje pa leje si dhe i është sekuestruar një sasi armatimi, raporton Gazeta Online Veriu.info.
Kështu ka njoftuar Prokuroria Themelore e Mitrovicës përmes një njoftimi publik.
Të njëjtit, gjatë kontrollit në shtëpinë e tij i janë gjetur dhe sekuestruar një pushkë karabinë, një pushkë gjuetie, një pushkë ajrore, plumba të pushkës ajrore, gëzhoja të zbrazëta nga pushka e gjuetisë, xhaketë ushtarake me emblemë Republika e Serbisë, fitil eksplozivi pa ndezës, dhe rreth njëqind gramë barut.
I arrestuari, me vendim të prokurorit është dërguar në mbajtje për 48 orësh.
Njoftimi i plotë:
Arrestohet në Zveçan një person për armëmbajtje pa leje dhe sekuestrohet një sasi armatimi
Mitrovicë, 09 tetor 2024 – Prokuroria Themelore në Mitrovicë, njofton opinionin se është arrestuar në Zveçan një person me iniciale R.J., për shkak të dyshimit të bazuar mirë për kryerjen e veprës penale “Mbajtja në pronësi, kontroll ose posedim të paautorizuar të armëve“ nga neni 366 i Kodit Penal të Republikës së Kosovës.
Të njëjtit, gjatë kontrollit në shtëpinë e tij i janë gjetur dhe sekuestruar një (1) pushkë karabinë, një (1) pushkë gjuetie, një (1) pushkë ajrore, plumba të pushkës ajrore, gëzhoja të zbrazëta nga pushka e gjuetisë, xhaketë ushtarake me emblemë Republika e Serbisë, fitil eksplozivi pa ndezës, dhe rreth njëqind (100) gramë barut.
I dyshuari, me vendim të prokurorit është dërguar në mbajtje për 48 orësh.
