Policia e Kosovës është duke e mbyllur komunën paralele të Skenderajt, e cila operonte në një objekt në komunën e Mitrovicës së Veriut.
Rastin e ka konfirmuar për Gazetën Online Veriu.info zëvendës drejtori i Policisë Veton Elshani.
Elshani tha se në koordinim me Prokurorin kanë hyrë në ndërtesë dhe po merren me rastin.
“Policia e Kosovës aktualisht ka hyrë në ndërtesën e komunës paralele të Skenderajt, dhe po mbledh prova. Me siguri se do të mbyllet. Kjo komunë është e stacionuar në një objekt në komunën e Mitrovicës së Veriut.” – tha Elshani.
Veriu.info sjell pamje ekskluzive nga vendi i ngjarjes ku policia e Kosovës po vazhdon punën brenda objektit të kësaj komune.
