Një bombolë gazi ka shpërthyer sot në orët e pasditës në Mitrovicë, ku kanë mbetur të lënduar tre persona, raporton Gazeta Online Veriu.info.
Rastin për Veriu.info e ka konfirmuar zëdhënësi i Policisë për rajonin e Mitrovicës, Avni Zahiti.
Ai ka thënë shpërthimi ka ndodhur në një shtëpi në rrugën “Ali Pashë Tepelena”, ku tre persona kanë marrë lëndime dhe janë dërguar për tretman në spitalin e Mitrovicës.
“Rreth orës 16:55, policia ka pranuar informatë se si pasoj e një shpërthimi në një shtëpi në rrugën “Ali Pashë Tepelena” tre persona kanë pësuar lëndime, të lënduarit janë dërguar për tretman mjekësor në Spitalin Rajonal të Mitrovicës. Bazuar në informatat e para dyshohet se shpërthimi ka ndodhur nga një bombolë gazi. Policia është në vendngjarje dhe po merret me trajtimin e rrethanave të ngjarjes.” – deklaron Zahiti për Veriu.info.
