Hetuesit Idriz Gashi i ësht vazhduar masa e suspendimit pa afat dhe pa të drejtë ankese, vetëm pasi i njëjti kishte përfunduar orarin pas përfundimit të suspendimit të parë.
Avokati i Gashit, Arianit Koci, e ka cilësuar si të paligjshëm vendimin e Policisë së Kosovës për suspendimin e hetuesit të skandalit me rezerva shtetërore.
“Siguria juridike e qytetarëve është në rrezik serioz. Hetuesit policor Idriz Gashi, sot në ora 12.22 i është rikthyer arma dhe legjitimimi policor, pasi kishte përfunduar afati i suspendimit. Megjithatë, pas përfundimit të orarit të punës, i është dorëzuar një vendim i ri, i paligjshëm, për vazhdimin e masës së suspendimit, pa afat dhe pa të drejtë ankese.
Ky veprim përbën shkelje të rëndë të ligjit, pasi zgjatja e masës së suspendimit mund të bëhet vetëm brenda afatit të përcaktuar. Për më tepër, kjo situatë tregon qartë elemente të një persekutimi ndaj një hetuesi të angazhuar në trajtimin e rasteve më të mëdha të korrupsionit. Një shkelje e tillë është e papranueshme dhe cenon jo vetëm integritetin e Policisë së Kosovës, por edhe besimin në gjithë sistemin juridik të vendit”, thuhet në postimin e avokatit Koci.
Gashi ishte rikthyer sot në punë pasi ishte suspenduar para disa ditësh me pretendimet se kishte marrë pjesë në një tubim të PDK-së.
Pasi ishte vërtetuar se lajmi i publikuar nga një media e afërt me pushtetin, Idrizi ishte rikthyer në punë, për tu suspenduar përsëri pa afat të caktuar.
