Një këmbësor është goditur nga një veturë sonte në Mitrovicë, saktësisht në Zhabar, raporton Gazeta Online Veriu.info.
Këmbësori ka marrë lëndine dhe është dërguar në Spitalin e Mitrovicës.
Njoftimin e ka bërë për Veriu.info zëdhënësi i Policisë për rajonin e Mitrovicës, Avni Zahiti.
“Sonte, rreth orës 20:00, në rrugën nacionale Mitrovicë–Zubin Potok, në segmentin rrugor në fshatin Zhabar, ka ndodhur një aksident trafiku, ku një veturë ka goditur një këmbësor. Si pasojë e aksidentit, këmbësori ka pësuar lëndime dhe është dërguar për tretman mjekësor në Spitalin Rajonal të Mitrovicës së Jugut. Njësitet policore janë duke ndërmarrë veprimet e nevojshme hetimore për sqarimin e rrethanave të aksidentit.” – tha Zahiti për Veriu.info.
