Mungon vetëm zyrtarizimi, por Frank Lampard do të jetë trajner i ri i Chelseat deri në fund të sezonit.
Sipas mediumit britanik “Sky”, palët janë gati të nënshkruajnë dhe 44 vjeçari me këtë rast do të jetë i gatshëm t’i drejtojë “Blues” që nga kjo fundjavë kundër Wolverhamptonit, përcjell “Gazeta Express”.
Legjenda e Chelseat si lojtar, e kishte drejtuar këtë ekip si trajner në periudhën korrik 2019 – janar 2021.
E në këtë sezon, ai ishte trajner i Evertonit deri në muajin janar.
Chelsea e shkarkoi së fundmi trajnerin Graham Potter pas rezultateve të zbehta, ndërsa u fol se ekipin në dorë do ta merrte Luis Enrique.
Sidoqoftë, spanjolli me gjasë do të përfundojë në “Stamford Bridge” veç në verën që vjen.
Për momentin, rasti do t’i jepet Lampardit, i cili, nëse e tregon veten, mund të mbetet në krye të ekipit edhe më gjatë.
