Kapiteni i Sunderland, Granit Xhaka, do të mungojë të paktën dy javë për shkak të një lëndimi në kyçin e këmbës, ka konfirmuar trajneri Regis Le Bris.
Mesfushori shqiptar iu nënshtrua ekzaminimeve fillestare dhe do t’i nënshtrohet vlerësimeve të mëtejshme pas periudhës së rikuperimit.
Xhaka, i cili iu bashkua Sunderlandit gjatë verës nga Bayer Leverkusen në një marrëveshje që mund të arrijë vlerën deri në 20 milionë euro, ka luajtur çdo minutë në këtë sezon të Ligës Premier përpara lëndimit.
Ai mungoi në humbjen 3-1 ndaj West Ham United, ku situata u pasua edhe nga një incident me tifozët gjatë qëndrimit në stol.
Trajneri francez sqaroi gjendjen e mesfushorit shqiptar, duke sqaruar se periudha e rikuperimit do të zgjasë të paktën dy javë, përpara se të bëhet një vlerësim i ri mjekësor.
“Ai ka një lëndim në kyçin e këmbës, i duhen të paktën dy javë për t’u rikuperuar dhe më pas do të bëjmë një vlerësim tjetër.”
Xhaka ka qenë një nga lojtarët më të rëndësishëm të Sunderlandit këtë sezon, duke u paraqitur në të gjitha 23 ndeshjet në të gjitha garat, ku ka shënuar një gol dhe ka dhënë pesë asistime. Humbja e tij për dy javët e ardhshme do të jetë një sfidë e madhe për trajnerin Le Bris, teksa skuadra përgatitet për përballjet e rëndësishme në Premier League.
