Lëvizja Vetëvendosje sot shënon 17 vjetorin e themelimit.
Vetëvendosje u themelua në vitin 2005, ndërsa zyrtarisht mori pjesë në zgjedhje për herë të parë në vitin 2010.
Vetëvendosje është aktualisht partia më e madhe politike në Kosovë, e cila fitoi 58 vende në Kuvend së bashku me listën “Guxo” të Vjosa Osmanit, në zgjedhjet e fundit parlamentare që u mbajtën vitin e kaluar.
Këtë ditë e ka përkujtuar edhe ministrja nga radhët e LVV-së, Arbërie Nagavci, e cila tha se deri më tani është bërë shumë punë dhe se ka akoma shumë për të bërë.
“Gëzuar e shumë urime për të gjithë aktivistët, anëtarët e përkrahësit. Ëndrrat tona për vetëvendosje janë të shumta, synimet tona të larta. Shumë punë është bërë e akoma shumë për të bërë, rruga përpara është e gjatë. Paqim mbarësi e suksese në rrugën përpara, në realizimin e ëndrrave tona”, ka shkruar Nagavci në një postim në Instagram.
