Kryetari i Nismës Socialdemokrate, Fatmir Limaj, nuk ka pranuar të përgjigjet nëse ka marrëveshje me Lëvizjen Vetëvendosje.
Limaj ka kërkuar që të ketë koordinim mes deputetëve për seancën konstituive që pritet të mbahet të shtunën.
“Komisioni nuk ka mujt me u koordinu, besoj që koordinohen deri të shtunën. Duhet ta thirrim zërin e arsyes. Besoj që kjo do të kryhet. Z.Limaj po them që hapi i parë është që të përafrohen të gjithë deputetët, t’i marrim detyrat, dhe t’i ndajmë përgjegjësitë. Secili të jap përgjegjësi, kjo është me rëndësi”, tha Limaj.
Përgjatë ditës së enjte deputeti më i moshuar, Avni Dehari, ka ndërprerë seancën konstituive të Kuvendit të Kosovës.
