Kreu i Nismës Socialdemokrate, Fatmir Limaj, ka reaguar ashpër ndaj kryetarit të Kuvendit të Kosovës, Dimal Basha, duke e akuzuar për njollosje të historisë së luftës çlirimtare. Në një prononcim për ATV, Limaj tha se një person që është bashkautor i një punimi “pseudoshkencor” nuk mund të mbajë funksione të larta shtetërore.
“Me u ulë dhe me qenë bashkëautor i një punimi shkëncor – pseudoshkencor me i thënë – dhe me nxi, me shpifë dhe me përmbysë historinë e kombit tënd deri ne atë nivel, mund ta bësh si person privat por kurrë s’mund të jesh më bartës i detyrave publike. S’mund të jesh më. Për privat e kanë sha Kosovën, popullin, vlerat por krejt janë individë privatë. Në momentin kur ju vini dhe konkuroni për një post publik, natyrisht që njerëzit kthehen te e kaluara jote.” – deklaroi kreu i NISMA-s, Fatmir Limaj në ATV.
