Kryetari i Drenasit, Ramiz Lladrovci, deklaron se është në pritje të rezultateve zyrtare teksa u kërkon vëzhguesve e komisionerëve të vazhdojnë të qëndrojnë në krye të detyrës.
“Falënderoj qytetarët të cilët iu përgjigjen detyrimit qytetar dhe morën pjesë në zgjedhje. Ftoj vëzhguesit dhe komisionerët të jenë në krye të detyrës deri në fund të procesit zgjedhor”, shkruan Lladrovci ndër të tjera.
Reagimi i tij i plotë:
Qytetarë të dashur, përgëzime!
Përgëzoj qytetarët e komunës së Drenasit për procesin zgjedhor.
Falënderoj qytetarët të cilët iu përgjigjen detyrimit qytetar dhe morën pjesë në zgjedhje. Ftoj vëzhguesit dhe komisionerët të jenë në krye të detyrës deri në fund të procesit zgjedhor.
Procesi zgjedhor ka ecur me dinamikë pozitive, kishte ndonjë vërejtje dhe pres që organet përgjegjëse t’i trajtojnë sipas ligjit.
Jemi në pritje të rezultateve zyrtare.
Përgëzime dhe suksese. Faleminderit!
