Llapi është duke i bërë përgatitjet para udhëtimit në Antalia të Turqisë të premten, raporton FrontOnline.
Skuadra e Llapit do të udhëtojë drejt tokës turke për përgatitje të mëtutjeshme para fillimit të stinorit pranveror.
Ndryshe nga afatet e kaluara, Llapi në këtë dimër nuk ka bërë ndryshime të mëdha në skuadër.
Megjithatë, klubit nga Podujeva do t’i duhet të udhëtojë pa tre futbollistë në Turqi kësaj radhe.
Burime të FrontOnline bëjnë me dije se Adonis Aliu, Festim Haxhiu dhe Nderim Hasani janë larguar nga Llapi.
Aliu është i huazuar për gjashtë muaj te Prishtina, derisa ka udhëtuar me kryeqytetasit drejt Turqisë ditë më parë.
Kurse, Haxhiu dhe Hasani janë huazuar poashtu për gjashtë muaj te Liria e Prizrenit.
Ndryshe, pas Kupës së Kosovës vitin e kaluar, Llapi sivjet synon poashtu daljen në Evropë, por edhe të shpallet kampion i Kosovës.
Ndryshe, pas 18 javësh në Superligën e Kosovës, Llapi ndodhet në vendin e katërt me 29 pikë të tubuara./FrontOnline/
