Lojërat Olimpike “Paris 2024” janë të fundit për Loriana Kukën si xhudistë, pasi ajo ka vendosur që t’i jep fund karrierës se saj në këtë sport.
Lajmin e ka konfirmuar Komiteti Olimpik i Kosovës përmes një postimi në faqen zyrtare.
“Loriana Kuka mbyll karrierën e suksesshme në xhudo. Krenarë me ty! Mirënjohës për gjithçka që i dhatë sportit të Kosovës”, thuhet në njoftimin e KOK-ut.
Loriana Kuka ka pasur një rrugëtim të suksesshëm në xhudo gjatë karrierës së saj. Ajo ka fituar medalje evropiane, botërore, ishte medaliste e Lojërave Evropiane, dy herë pjesëmarrëse në Lojërat Olimpike, si dhe ishte edhe medaliste e Lojërave Mesdhetare.
