“Luani i Kamenicës”, kryetari i komunës së vogël në lindje të Kosovës, Kadri Rahimaj, po vazhdon “rehatimin” në vende të punës të aktivistëve të Lëvizjes Vetëvendosje.
Kryetari i Kamenicës, Kadri Rahimaj – i njohur si “Luani i Kamenicës”, po vazhdon të mbush institucionet komunale me militantë të Vetëvendosjes.
Së fundmi, edhe dy aktivistë të afërt me partinë janë punësuar si mirëmbajtës në komunë.
Bëhet fjalë për Ramize Krasniqin, bashkëshorten e asamblistit të VV-së, Hasan Krasniqi, si dhe Ahmet Haxhiun, aktivist i njohur i partisë.
Fotografi të tyre me Rahimajn tashmë qarkullojnë në rrjetet sociale, duke forcuar dyshimet se punësimet po bëhen mbi baza partiake dhe jo meritore, shkruan Demokracia.com.
Që nga ardhja në pushtet e Vetëvendosjes, Komuna e Kamenicës është shndërruar në “strehë punësimi” për militantë partiakë.
