Lëvizja Vetëvendosje, përmes një postimi në Facebook ka deklaruar se Shqipëria tani është partneri kryesor i Kosovës në aspektin tregtar.
Në këtë publikim, partia në pushtet ka theksuar se Serbia vetëm në vitin 2023 ka pësuar rënie prej 50 përqind në tregun e Kosovës.
VV-ja përmendi edhe opozitën duke thënë se “donin që brenda natës të rregullohen ato çka i kanë bë për 20 vjet”.
“E mbani mend opozitën, i mbani mend ekspertët e tyre të ekonomisë, po edhe ata nëpër studio televizive se si çdo natë flisnin për rekordin e mallrave të Serbisë në Kosovë.
Ata donin që brenda natës të rregullohen ato çka i kanë bë për 20 vjet.
Dhe ja ku jemi, për herë të parë dhe kaq shumë vjet pas luftës Serbia e ka humbur tregun për 50% në Kosovë, ndërkohë që e para është Shqipëria e pas saj Maqedonia e Veriut.
Qeveria Kurti, me politika të drejta e hapa të sigurt drejt pavarësimit ekonomik”, thuhet në postimin e Lëvizjes Vetëvendosje.
https://scontent.fprn13-1.fna.fbcdn.net/v/t39.30808-6/430035078_806039778228941_3330142569486617923_n.jpg?stp=dst-jpg_p843x403&_nc_cat=100&ccb=1-7&_nc_sid=5f2048&_nc_ohc=hkG6qsp2wR0AX8MsBMV&_nc_ht=scontent.fprn13-1.fna&edm=AN6CN6oEAAAA&oh=00_AfDhy2757XlB-ZAAd3wlOv19l2uA6Rq1IhVHTenMB456-Q&oe=65EF1C7F
