Pronari i diskotekës ‘Venom’, Alex Duhani, e mashtroi shtetin e Kosovës më 3 gusht, duke e fshehur performancën e Nojzit në biznesin e tij.
Ani se në një postim të bërë në faqen zyrtare të ‘Venom’ ku thuhej se është anuluar performanca e Nojzit, një gjë e tillë nuk kishte ndodhur.
Rep artisti shqiptar kishte performuar në ‘Venom’, ani se ai kërkohej nga Policia e Kosovës për përfshirje në një rrahje në Pejë ditë më parë.
Policia e Kosovës kishte dështuar në kapjen e Nojzit, ani se ai gjendej në Kosovë edhe në kohën kur ndaj tij kishte fletarrest.
Rigels Rajku u arrestua në Shëngjin nga ‘Fast Albania’ pas kërkesës për arrestim nga shteti i Kosovës.
Bashkë me të në kërkim për të njëjtin rast është edhe këngëtari tjetër ‘Stresi’. Kapja e tij ende nuk është bërë. Derisa, shteti i Kosovës duket se po e amniston edhe Alex Duhanin e Venomit, ani se ky i fundit kishte mashtruar për vendodhjen e Nojzit.
