Matoshi tha se Kurti po e mban vendin tash e sa muaj pa institucione ndërsa po mundohet për një javë me ia hedh fajin Listës Serbe.
“Zoti Kurti me vetë faktin se nuk i ka përmbush pritjet e elektoratit e qytetarëve të Kosovës me iu dhënë institucione legale, shkelje më të madhe nuk ka përpos me e blloku sistemin sepse e mban vendin 7 muaj pa institucione dhe për një javë mundohet me ia gjujt krejt fajin Listës Serbe, për një javë që e ka blloku” deklaroi ai.
Analisti politik, Halil Matoshi, tha se partitë shqiptare nuk munden t’a bëjnë Qeverinë ndërsa Kurti s’e ka ndërmend një gjë të tillë.
Sipas Matoshit, Kurti, bën Qeveri vetëm me një parti ose grupacion politik i cili i nënshtrohet dominacës së tij.
Ai tha se po ta shikosh historinë e tij, Albin Kurti nuk e njeh bashkëpunimin.
“Partitë shqiptare nuk mundem me bë Qeverinë, Kurti s’e ka ndërmend ndërkaq ish-opozita po ashtu nuk ka asnjë mundësi….1-është e përçarë brenda saj sepse kanë interesa të ndryshme kurse Kurti bën Qeveri vetëm me një parti ose grupacion politik i cili i nënshtrohet dominacës së tij por jo me një partner. Shikoni historinë e Albin Kurtit prej zyrës së UÇK-së me zotin Demaçi e deri më sot më thoni a ka bashkëpunu Kurti me dikë. Albin Kurti nuk e njeh bashkëpunimin. Gjykata Kushtetuese po iu thotë të gjithëve, bashkëpunim në mirëbesim në interesin më të mirë të shtetit po Albin Kurti nuk bashkëpunon. Kurti akoma mendon se me Veriun, Vuçiqin, Radojiçiqin, e bjen ish-opozitën si në pandemi në 10% që e kanë pru LDK-në. Ai mendon se dikur i merr 70% duke e luftu median, sindikatat, Gjykatat, deri tek gjyqësor….Gjykata Kushtetuese, duke ua nxjerr emrat, duke i stigmatizu në publik. Kurti nesë arrin së shpejti me i kap institucionet e gjyqësorit sidomos, veç kur të vijnë e t’ua mbyllin dyert me nga një tiketë me gjykatë, mediave së pari, pastaj detronizimi i opozitës dihet, i ndan i copëton, dikush ti je me Listën Serbe ti je patriot e ka kthy fuqishëm atë ndarjen fatkeqe tek shqiptarët… tradhëtar dhe patriot. Kurti e ka bllok në administratën amerikane, ka sanksione nga Bashkimi Evropian. Për shkak të mos-krijimit të institucioneve që disa muaj praktikisht Plani i Rritjes është blloku për Kosovën. Kurti e ka izolu Kosovën dhe populli mendon se është njëfarë parajse të vetërealizimit të kënaqësisë sepse po e them Albini ka dit me iu rikthy sentimentin anti-serb. Populli nuk e din se luftimi i serbëve të Kosovës, përfaqësimi i tyre në institucione, është luftë direkte kundër shtetit të Kosovës” tha Matoshi në Blic Interview me Astrit Gashin.
