Në objektin e MAPL-së në Mitrovicën e Veriut, u mbajt takimi i parë i Bordit të përbashkët, i kryesuar nga Elbert Krasniqi.
Të pranishëm ishin edhe kryeministri në detyrë Albin Kurti, kryetari Atiq, nënkryetari Arian Tahiri dhe anëtarë të bordit nga dy komunat.
“Ky bashkëpunim parashihet me Ligjin për kufijtë administrativë të komunave i cili parashikon bashkëpunim të ngushtë ndërmjet dy komunave përmes krijimit të një Bordi të përbashkët funksional.
Themelimi i Bordit të përbashkët ndërmjet Komunës së Mitrovicës -veriu dhe asaj jugu vendos një model të ri bashkëpunimi institucional, që synon përmirësimin e jetës së përditshme të qytetarëve.
Përmes bashkërendimit në fusha kyç si infrastruktura, mjedisi, zhvillimi ekonomik dhe shërbimet komunale, ky bord do të ofrojë një mekanizëm konkret për realizimin e projekteve të përbashkëta, ndërton besim dhe rritur efikasitetin duke dëshmuar se ndarjet e së kaluarës mund të tejkalohen. Me pjesëmarrje të barabartë nga të dy komunat dhe nën mbikëqyrjen e përfaqësuesit të kryeministrit, ky bashkëpunim është shembull i qeverisjes së mençur dhe përkushtimit ndaj interesit të qytetarëve, pa asnjë dallim”, shkruan Krasniqi në njoftim.
