Hapësira e varrezave në Shipol prej vitedh shërben për varrimin e qytetarëve të Mitrovicës, por që aty janë të varrosur edhe dëshmorët mitrovicas. Përveç këtyre dy funksioneve, kjo zonë është shëndërruar në të ashtuquajtur magazinë, por që realisht është deponi mbeturinave.
Pas ankesave të qytetarëve, Veriu.info ka hulumtuar këtë problem, ku ka parë se aty janë hudhur tonelata asfalt të vjetër, të cilët paraprakisht është larguar nga rrugët që po shtrohen me asfalt të ri në Mitrovicë.
Në lidhje me këtë çështje, Veriu.ino ka kontaktuar drejtorinë e Drejtorisë së Ambientit në komunën e Mitrovicës, Egzon Sadiku, për ta pyetur në lidhje me këtë problem të ngritur nga qytetarët, e i cili ka thënë se ajo është tokë e komunës, por që ka sugjeruar që për detaje tjera të kontaktohet drejtori i Drejtorisë së Shërbimeve Publike, Granit Tmava.
Veriu.info më pas ka kontaktuar me Drejtorinë e Drejtorisë për Shërbime Publike në komunën e Mitrovicës, Granit Tmava, i cili ka thënë se aty një hapësirë është magazinë (depo) e komunës.
“Është pronë komunale. Komuna e shfrytëzon për për ruajtjen e materialeve të cilat i nevojiten për t’i përdorur mandej për ku është e nevojshme. Komuna e përdorë një pjesë të hapësirës te varrezat për materialet të cilat janë të përdorshme dhe kanë qenë në funksion diku tjetër më parë në qytetin e Mitrovicës”, ka thënë drejtori Tmava.
Sipas Tmavës, ato mbetje dërgohen përkohësisht në atë zonë, që mandej kurdo që i nevojiten komunës t’i fus në funksion, merren dhe adresohen në vendin e duhur kudo që është e nevojshme.
Veriu.info ka tentuar të kontaktoj edhe me përfaqësues të Bashkësisë Islame në Mitrovicë, por që nuk kanë qenë të gatshëm të deklarohen.
